Rama merr “Çelësin e Qytetit” në Prishtinë: Tani mund të vij edhe pa leje

Gjatë vizitës në Kosovë, kryeministri Edi Rama u prit edhe nga kryebashkiaku i Prishtinës, Përparim Rama.

Përmes një ceremonie të posaçme, kryeministri Rama u nderua me “Çelësin e Qytetit”.

Kryebashkiaku i Prishtinës falenderoi kryeministrin për punën  që ai ka bërë për shqiptarët e të gjitha trojeve.

Gjatë ceremonisë, kreu i qeverisë shkëmbeu disa batuta me kryebashkiakun Rama të cilit i tha se tashmë, që ka çelësin do ta vizitojë Prishtinën  edhe pa marrë leje.

“Faleminderit që të gjithëve, faleminderit për ftesën. Tani, është e sigurtë që mund të vij pa marrë leje se kam çelësin me vete”, tha Rama.

Kryeministri Rama vizitoi këtë të hënë Prishtinën, me rastin e 25-vjetorit të çlirimit të Kosovës, por nuk gjeti kohë të takonte homologun e tij shqiptar Albin Kurti.