Rama: Mua më duhet të rri edhe pak, të përmbush misionin patriotik!

Kryeministri Edi Rama ka theksuar se Shqipëria është vetëm një hap larg realizimit të një ëndrre të kahershme për të qenë pjesë e Bashkimit Evropian.

Duke hedhur poshtë akuzat për tradhti, që iu bënë në komente nga qytetar në komente, Rama u shpreh se në këtë moment ku ndodhet vendi duhet të mendohet si shqiptarë, pa dallime ideologjike, dhe jo si socialistë ose demokratë.

Kryeministri kërkoi që të gjithë të fokusohen në misionin patriotik të integrimit të Shqipërisë në Bashkimin Evropian, duke u distancuar nga politikat e hakmarrjes. Ai nënvizoi se sot, ky proces ka një emër dhe një destinacion të qartë: Shqipërinë si anëtare të BE-së, një arritje sipas tij është më afër se kurrë.

“Çfarë kam tradhtuar unë? Apo se Shqipëria është vetëm një hap larg realizimit të një ëndrre shekullore? Duhet menduar si shqiptarë këtë moment, as si socialist, as si demokrat. Në 3 mandate kanë qenë mbi 60 ministra, dy ministra janë dënuar nga mandati i parë, njëri nga PS, njëri nga partia aleate ndjesë pastë, një i tretë në paraburgim, dhe një i katërt në arrati, zv.kryeministri. Nëse flisni për luftën kundër korrupsionit, e dini pse ju erdhi dita të flisni? Nëse Kua kua-të flasin për njerëz të dënuar, këtë ditë e solli PS dhe vizioni për të hyrë në BE, lërini broçkullat dhe fokusohuni në këtë mision patriotik, unë duhet të rri dhe pak që të përmbush këtë fat, sepse nuk mund të rrezikojmë. Sot hakmarrja ka emër dhe destinacion, që është Shqipëria në BE”, tha ai.