Banorët e “ 5 Majit” kanë protestuar sot para Kuvendit, ku patën dhe një bashkëbisedim me kryeministrin Rama. Ndërsa tashmë ata janë nisur drejtë Bashkisë Tiranë, për t’i kërkuar Erion Veliaj një marrëveshje të rregullt që iu garanton atyre bonusin e qirasë dhe t’u vihet një afat se kur do të hyjë në banesat e reja.
Banorët që ishin në takim me kryeministrin Edi Rama kanë dalë të zhgënjyer nga takimi, duke thënë se ai nuk i dëgjoi fare. “Nuk më linte të flas, fliste vetëm me nënën Lizën, ne jemi me shkollë, kemi të drejtë të mbrojmë pronat tona. Nuk më linte të flas, më thoshte ti e ke të mbaruar çështjen, por unë nuk e kam të mbaruar, i thashë ose nuk vini me avokat që të firmosin dokumentet. ai na thoshte “pusho”, i thashë që kam të drejtën e fjalën, se është e drejta e njeriut, ai na foti sa për sy e faqe.“, u shpreh një banorë. Pra, si duket gjithçka ishte show nga ana e Ramës, çka bënë që agonia e këtyre banorëve të vazhdojë.
Discussion about this post