Gjatë një takimi në Durrës, kryeministri Edi Rama ka folur për drejtësinë, ku tha se i vjen keq për disa nga socialistët që kanë përfunduar në qeli.
Por, më tej, Rama tha se duhet të jenë krenarë për Reformën në Drejtësi, të cilën sipas tij e ka bërë Partia Socialiste.
“Ne duhet të jemi krenarë, jo kokulur, për faktin, që përtej dhimbjes personale për arsye njerëzore se nuk na vjen mirë të shohim dikë që deri dje ka qenë mes nesh, ndërsa sot është në duart e drejtësisë. Por ama nuk ndodhte kjo kurrë nëse nuk do e kishim hapur ne këtë kapak. Këtu u vranë 4 veta mes bulevardit dhe s’u pyet njeri. U refuzua zbatimi i urdhrave të prokurorit. E kupton ku kemi qenë.
E kemi bërë ne. Si qenka kjo. E kemi bërë ne dhe nuk e bën dot askush tjetër. Ata e thonë copë, më 12 maj do shkrijmë SPAK”, tha Rama.
“Pala tjetër thotë që nëse sa të marrim votën do ja marrim shpatën drejtësisë dhe gjëja e parë që do të bëjmë është që do t’i presim kokën Altin Dumanit. Në momentin që hymë në BE nuk ka fuqi askush këtu të bëjë lëvizje të tilla, se nuk të lë ajo familje. Prandaj vota në 11 maj për PS nuk është në fakt votë për PS. Patjetër të votojnë mbështetësit tanë, por duhet të votojnë edhe të gjithë demokratët dhe të gjithë çfarë janë në mes që duan që barazia para ligjit të mos jetë më duart e partive”, shtoi Rama.
Discussion about this post