Kryeministri Edi Rama ka mbajtur fjalën e tij në samitin e Bled që po zhvillohet në Slloveni. Në panelin e liderëve në Forumin Strategjik të Bledit, me temë “solidariteti për sigurinë globale”, kryeministri Rama, lidhur me integrimin e vendeve të Ballkanit Perëndimor në BE, u shpreh se ndihet ‘tragjikisht optimist’.
Rama nuk i kurseu as batutat kur tha: Me këtë panel si autobus dhe unë jam tragjikisht më shumë optimist, megjithëse është më mirë se një avion rus…
Më tej ai shtoi se nuk beson se në 2030 do të jemi në BE, ndërsa shtoi se BE duhet të jetë më shumë mbështetëse ndaj vendeve të Ballkanit Perëndimor, dhe jo vetëm të kritikojë.
“Patëm një mikëpritje shumë të ngrohtë me bisede të zemrës dhe jam shumë i lumtur që të shikoj një lider dhe politikan që të flasësh si në një darkë ashtu edhe në forum Charls.
Ajo që është theksuar ka të bëjë se jo se besoj se në 2030 ne do të jemi në BE, por të paktën në disa prej hapa kjo do të ishte shumë e mirë pasi teksa ne flasim për konvergjecën me BE dhe kontributi për frymë i BE kundrejt këtij rajoni dhe shteteve të Ballkanit Perëndimor është diku prej 130 mijë eurosh për 6 prej nesh këtu, dhe më shumë se 4 mijë euro për dy prej nesh këtu dhe për të tjerë.
Kjo duhet kuptuar dhe duhet zgjidhur me disa hapa konkretë duke konsideruar se kjo nuk do të jetë asgjë ose e gjitha. Në mes të procesit nuk duhet të jenë vetëm parime dhe vlera që janë të nevojshme pra reforma dhe kritika që janë të nevojshme por edhe mbështetje sa më konsistente jo nga pikëpamja financiare por edhe një mbështetje në tregun e përbashkët dhe në hapësirat më të mëdha në ndërmarrje tona.
Të gjithë duhet që ta kenë parasysh se ajo që po ndodh në këto vende përmes procesit të Berlinit ne kemi folur për financimin e projekteve. Merreni me mend se kush po e ndërton infrastrukturën amerikanët, kinezët arabët, kjo duhet që të merret parasysh dhe pika e fundit është se gjith,onë kam menduar se të punosh falas për 50 viteve Enver Hoxha na bëri shumë pro amerikan sesa evropian dhe na duhen edhe 50 vite që të jemi sa më shumë pro evropianë”, ka thënë ai.
Discussion about this post