Kryeministri Edi Rama ndodhet sot në Dibër, ku në një takim me të rinjtë ka prezantuar kandidatin e Partisë Socialiste, Rahim Spahiu për zgjedhjet e pjesshme lokale të 6 marsit.
Gjatë fjalës së tij, Rama nuk la pa ironizuar edhe ish-kryeministrin Sali Berisha, ku tregoi bisedën me një dibran që sipas tij i kishte sjellë “shqetësim” ndërtimi i Rrugës së Arbrit.
“Ça na bërë me këtë Rrugën e Arbrit se na vjen Saliu tre herë në ditë. Ne nuk kemi këtë shqetësim se këtu kështu janë ndarë punët. Vareja është për të prishur, brava për të mbyllur derën ne jemi për të hapur dyert dhe ndërtuar. E mira e demokratëve, e mira e tyre është që ata sado që na shajnë janë rehat se punët ua bëjmë ne. Rruga nuk është për socialistët është për të gjithë dibranët. Rasti i Rahimit është tipik sesi politika mund të bëjë mirë. Dy arsye kanë këta që shihni në televizion o vjedhin, o lenë emër. Ka edhe ndonjë që edhe vjen edhe shkatërron edhe lë emër dhe derisa i thotë Amerika ik se na lodhe”, u shpreh kryeministri.
Discussion about this post