Kryetari i Partisë Demokratike, Sali Berisha, është shprehur se kryeministri Edi Rama po fyen Kuranin me krijimin e Shtetit Islamik Bektashi.
Komentet Berisha i bëri përmes një deklarate për mediat, ku tha se Rama ndërron besimet fetare sa herë që martohet.
Ai tha gjithashtu se Rama duke qenë se është politeist, përdor fenë për qëllime elektorale.
Pjesë nga fjala e Berishës:
Një njeri që ka ndërruar fetë sa herë është martuar, ai është politeist, ai nuk është monoteist.
Si mund t’i besojmë ne atij? Dhe del tani, do të ndërtojë në një anë citon Kuranin, në anën tjetër thotë do krijojë shtetin islamik bektashi, ta gjejë në Kuran ku ekziston kjo.
Nuk ka fyerje më të rëndë për Kuranin se sa kjo.
Mos harro një gjë, Kurani është fjala e Zotit, siç e ka dërguar i gjithëfuqishmi.
Pra, ky edhe ato i përdor për propagandë, për qëllime elektorale.
Në analizë, një njeri që është konvertuar disa herë, është politeist.
Discussion about this post