Në një mbledhje 50 minutëshe të Asamblesë së PS-së, Kryeministri Edi Rama ka kërkuar prej deputetëve që të angazhohen më shumë në terren, ndërsa Kryebashkiakëve u ka kërkuar që të punojnë ndershmërisht për të mos përfunduar në dyert e SPAK.
“Kryebashkiakët të bëjnë punë të ndershme, të mos shkojnë në dyert e SPAK. Deputetet të angazhohen me shumë si në terren edhe në jetën parlamentare.”, mësohet të ketë thënë Rama.
Kryeministri gjithashtu ka paralajmëruar se “PS nuk do të jetë mburojë e askujt”, duke ripërsëritur tashmë të njëjtën frazë, ku përgjegjësia do të jetë personale, për të gjitha rastet kur zyrtarët kapen në shkelje të ligjit.
Ndërkohë, Rama ka përgëzuar punën në terren të ministrit të Brendshëm, Taulant Balla dhe ministres së Shteti për Marrëdhëniet me Parlamentin, Elisa Spiropalit, sa i përket organizimit të bërë prej tyre për zgjedhjet e 14 majit.
Balla është drejtues politik në qarkun e Fierit, ndërsa Spiropali në Shkodër.
Discussion about this post