Kryeministri Edi Rama do të niset të martën e 2 nëntorit drejt Beogradit, pasi në datat 3 dhe 4 nëntor do të zhvillojë takimet e radhës me liderët e vendeve që kanë firmosur nismën “Open Balkan”.
Ai do të takohet me presidentin serb Aleksandër Vuçiç dhe kryeministrin e Maqedonisë së Veriut Zoran Zaev, ku pritet të diskutohet për të hapat e radhës në lëvizjen e lirë të njerëzve dhe mallrave mes këtyre shteteve.
Këto takime do të zhvillohen me dyer të mbyllura, ndërkohë që krerët e shteteve pritet të dalin me një konferencë të përbashkët.
Nuk dihet nëse për takimin në Beograd janë thirrur edhe përfaqësuesit e Kosovës dhe Malit të Zi, të cilët kanë dalë kundër kësaj nisme.
