Kryeministri Edi Rama pas takimit kokë më kok me homologun spanjoll Pedro Sanchez, i cili ka mbërritur në një vizitë zyrtare në Shqipëri, po zhvillojnë edhe konferencën e pëbashkët për mediat.
Qëllimi i kësaj vizite zyrtare të Pedro Sanchez është përforcimi i marrëdhënieve dypalëshe dhe ekonomike me Serbinë, Bosnje-Hercegovinën , Malin e Zi, Maqedoninë e Veriut dhe Shqipërinë por nuk ka vizituar Kosovën.
Gjatë fjalës së tij, kryeministri Edi Rama tha se Spanja ka qenë një nga aktorët më të zëshëm për hapjen e negociatave të Shqipërisë.
Rama: Pas hapit historik të çeljes së negociatave për anëtarësim në Be, na vjen mirë dhe dëshiroj që publikisht ta falenderoj Pedron për mbështetjen pa rezervë të Spanjës në këtë proces.
Kujtoj që Spanja kishte një pozicion më të ngurtë se disa të tjerë duke qenë në njëfarë mënyre më kërkuese dhe sot Spanja është tërësisht e angazhuar në mbështetje të këtij procesi dhe ka qenë një nga aktorët për të zëshëm për të çelur negociata me Shqipërinë dhe Maqedoninë e Veriut. Ne kemi një pritshmëri nga Spanja e cila do të udhëheqë presidencën në 2023. Kemi folur me kryeministrin për rajonin të cilin ai po e viziton, për nismat rajonale, për mënyrën se si mund ta integrojmë këtë proces nismash rajonale me procesin që nis me idenë e komuniteti të ri politik evropian.
Discussion about this post