Kryeministri Edi Rama, në shoqërinë e ministrit të Rindërtimit Arben Ahmetaj, vizitoi këtë të hënë familjet që po futen në shtëpitë e reja, pasi shtëpitë që kishin, u shkatërruan nga tërmeti i 26 nëntorit.
Rama në një nga shtëpitë që vizitoi në Vlashaj të Maminasit, u prit nga një çift bashkëshortës, të cilët i servirën raki. Kryeministri, e komplimentoi së tepërmi shijen e pijes tradicionale shqiptare.
“Ishte e shkatërruar banesa. Jo të gjitha të këqijat vijnë për keq”, u shpreh kryeministri Edi Rama.
Nga ana tjetër familjarët shprehën falënderimet për zgjidhjen dhe ndërtimin e banesave të reja.
“Faleminderit nga zemra, për ne ka qenë një Rilindje e vërtetë”, u shpreh një kryefamiljar.
