Rama në Nju Jork, poston foto përkrah Vuçiç, Vjosa Osmanit dhe Abazoviç

Kryeministri Edi Rama ndodhet në SHBA ku do të marrë pjesë në Asamblenë e Përgjithshme të OKB-së.

Kreu i qeverisë është takuar sot në New York me liderët e Ballkanit Perëndimor, të ftuar nga Përfaqësuesi i Lartë i BE-së për Politikën e Jashtme, Joseph Borrell.

Rama ka postuar në rrjetin social Facebook një foto krah presidentit të Serbisë, Aleksandër Vuçiç, kryeministrit në largim të Malit të Zi, Dritan Abazoviç, Presidentes së Kosovës, Vjosa Osmani dhe kryeministrit të Maqedonisë së Veriut, Dmitar Kovaçevski.

Postimi i Ramës:

New York – Me liderët e Ballkanit Perëndimor, ftuar nga Përfaqësuesi i Lartë i BE për Politikën e Jashtme dhe Zv/President i Komisionit Europian, Joseph Borrel