Deputeti i PD Edi Paloka, ka ironizuar takimin e sotëm të Ramës në Samitin e Klimës “COP26”, nga ku ka postuar dhe një foto me aktorin Leonardo Di Caprio. Sipas Palokës kjo skemë është e ngjashme me rastin ku Cristiano Ronaldon takoi dy djemtë që i mbijetuan tërmetit të 26 nëntorit 2019. Paloka thotë se, edhe atëherë Rama shfrytëzoi fatkeqësinë për të bërë foto me futbollistin, që më shumë se sa mbështetje për vogëlushët, ishte plotësimi i tekës së tij.
“Qesharak dhe i vogël deri në fund ! Përdori fatkeqësinë e dy fëmijëve pas tërmetit, vetëm që të bënte një foto me Cristiano Ronaldon ne Itali ! Tani ka përfituar nga samiti për të bere një foto me Di Caprion. Po ngaqë e kupton dhe vete se sa qesharak bëhet një kryeministër që i kërkon foto një aktori, si të jetë ndonjë fans adoleshent , e shet gjoja si foto të rastësishme gjatë një diskutimi mes dy personave qe “i lidh mbrojtja e Vjoses””, shkruan ai.
Duke paralelizuar situatat, Paloka akuzon Ramën se dhe takimin në samit e shfrytëzoi për dëshirat e tij prej adoleshenti, por nuk i intereson fare fati i shqiptarëve. “Ne fakt, postin e kryeministri , përveçse për te vjedhur shqiptarët, Rama e ka përdorur në mënyrë të paskrupullt edhe për të realizuar tekat e tija prej adoleshenti të përkëdhelur duke filluar nga fotot me personazhe VIP të artit dhe sportit deri tek hapja e ekspozitave personale në galeritë më të njohura e me të shtrenjta të globit . Sidoqoftë duhet pranuar se ka bere goxha përpara qe nga koha kur ishte në rolin e “artistit” barbon të katakombeve në Paris, atje ku e gjeti Nano “me thonj të paprerë”!”, shkruan ai.
Sipas Palokës, gjithmonë e më shumë Rama po bën figurën e në kryeministri qesharak që tallet me popullin e tij.
Discussion about this post