Gjatë vizitës së tij në Republikën Arabe të Egjiptit, kryeministri Edi Rama ka mbajtur edhe një konferencë për mediat me kryeministrin e vendit Moustafa Madbouly.
Gjatë fjalës së tij kreu i qeverisë u zotua që do të kujdeset personalisht për të vendosur një linjë të drejtpërdrejtë të fluturimit Kajro-Tiranë.
“Diskutuam marrëdhëniet mes dy vendeve dhe u përqendruam në bashkëpunim në energji, turizëm dhe tregti apo kulturë. Pikëpamje për çështje ndërkombëtare. Besoj që takimi do jetë mbështetës për marrëdhëniet tona për ekonominë dhe investime…Nënshkruam tri marrëveshje bashkëpunimi dhe presim me padurim të rrisim marrëdhënie dypalëshe” – është shprehur Rama.
Ndërsa kryeministri egjiptian Mostafa Madbouly u shpreh se me Ramën diskutoi për fushat e bashkëpunimit mes dy vendeve në vitet që do të vijnë.
