Gjatë fjalimit të mbajtur në mitingun e Selanikut në Greqi, kryeministri Edi Rama ka sulmuar edhe forcat e reja politike, që janë futur në garë për ta rivalizuar në zgjedhjet parlamentare të vitit 2025.
Rama i konsideroi ato si personazhi i firmave piramidale, “Sudja”, në kulturë politike dhe në qasje ndaj popullit. Sipas kreut të qeverisë, nuk ka lojë për të filluar me asnjë prej tyre.
“Të ishte për ato forca të tjera, dhe me forca të tjera nuk kam parasysh vetëm ato me fytyra të vjetra, por kam parasysh dhe ca me fytyra të reja. Të gjitha llojet e fytyrave që iu dalin përpara dhe ia u bëjnë fushë me lule, kijeni parasysh, janë maska të Sudes, mbas atyre është Sudja si kulturë politike dhe si qasje ndaj popullit. Janë njësoj si Sudja që pasi i zhyti të gjithë në borxhe dhe i hodhi në humnerë, doli te sporteli dhe tha që loja mbaroi. E pra, nuk ka lojë për të filluar me asnjë prej tyre, sepse loja e të gjithë atyreve ka mbaruar” – tha Rama.
Kujtojmë se edhe pak ditë më parë, kryeministri Edi Rama e sulmoi Arlind Qorin, kreun e Lëvizjes Bashkë, teksa gjatl një takimi me pensionistë, e quajti “Sude me gjyzlykë”.
Discussion about this post