Kryeministri Rama ceku çështjen e lobimit të PD-së në SHBA teksa tha bëhet fjalë për një shumë të madhe dhe se ish-kreu i PD-së Basha ishte bërë leckë për shumë më pak.
Gjatë një takimi me vajzat e gratë në Vlorë ai theksoi se shuma e paguar është e çuditshme.
“Unë besoj që të gjitha ju që jeni këtu sot ashtu si të gjithë të tjerët që e ndjekin këtë ballafaqim jeni sot të habitura nga fakti që janë paguar 6 milionëeuro, thuhet nga patriotë, ju kujtohet se edhe herën e kaluar Luli për 500 mijë u bë leckë edhe ai tha u mblodhën disa patriotë. 6 milionë euro për të hequr damkën e një personi ‘non grata’ janë shumë për të mos bërë pyetjen se ku i gjetën gjithë ato para dhe si mundet që thjeshtë dhe vetëm për hallin e një njeriu të paguhen më shumë para se sa shteti i jep për të gjitha partitë politike të marra së bashku, është edhe pak e çuditshme se ne na thanë se sa të vinte Trump do ikte non grata tani na u dashkan edhe 6 milionë euro me shpresë se do të hiqet non grata dhe sikur të rri dhe sikur të iki kjo nuk është çështja e shumicës dërrmuese të shqiptarëve që janë sot në një moment historik.” – tha Rama.
PD-ja ka lidhur kontratë me kompaninë “Continental”, që drejtohet nga avokati i presidentit amerikan Carlos Trujillo dhe në të cilën punon vajza e shefes së kabinetit të Trump Susie Wiles.
Pas publikimit të kontratës, SPAK-u nisi verifikimin, ndërsa i menjëhershëm ishte edhe reagimi i PD-së. Kjo e fundit përmes një njoftimi për media tha se kontrata ishte transparente, në përputhje me ligjet e Shqipërisë dhe SHBA-së ndërsa akuzonte SPAK-un për përdorim politik nga kryeministri Rama, duke përmendur moshetimet për dosjet 184 dhe 339 dhe ato për inceneratorin.
Discussion about this post