Kreu i Këshillit Kombëtar të PD, Edi Paloka ka reaguar pas ceremonisë që kryeministri Edi Rama zhvilloi mëngjesin e sotëm përpara Kryeministrisë për të ngritur flamurin e BE vetëm një ditë pas hapjes së negociatave.
Në një postim në Facebook, Paloka e cilëson Ramën si mashtrues pasi sipas tij, flamuri i BE në institucionet e shtetit ngrihet vetëm pasi vendi është bërë anëtar me të drejta të plota i BE.
Postimi:
Mashtrues i vogël, qesharak, delirant…
Meqenëse negociatat (me të veten) ka ca vite që i ka hapur, tani hapjen reale të negociatave po e shet si anëtarësim me të drejta të plota në BE!
Dekorata nuk ndan dot më (se i doli boja një herë) po sajon një ceremoni fallco për ngritje të flamurit të BE në selinë e qeverisë ku fton dhe diplomatët e huaj.
Ne fakt flamuri i BE në institucionet e shtetit ngrihet vetëm pasi vendi është bërë anëtar me të drejta të plota i BE. Po për Ramën këto janë detaje të parëndësishme. Ai jeton në botën e tij ku ai është lider botëror dhe Shqipëria e tij fanar ndriçues.
Hallet i kanë shqiptarët që jetojnë në botën reale të tyre, në Shqipërinë vendin më të varfër e më të korruptuar në Evropë ku krimi dhe mjerimi janë shtruar këmbëkryq.
Discussion about this post