Kryeministri Edi Rama në një konferencë me Joseph Borrel dhe Varhelyi, foli për disa çështje aktuale në vend. Rama ka njotuar se së shpejti, do të bëhet reforma, në mënyrë të tillë, që asnjë zyrtar të mos ketë lidhje me prokurimet publike.
“Po përgatisim një reformë që do të përmbysë tërësisht sistemin e prokurimeve publike, heqja e prokurimeve nga duart e institucioneve është objektivi ynë. Për këtë po bashkëpunojmë me agjencinë e Kombeve të Bashkuara. Nuk do të ketë më zyrtarë që do të kenë ndërhyrje tek prokurimet publike”, tha Rama.
Edi Rama shtoi se SPAK është duke prekur edhe të paprekshmit apo ata individë, që janë të lidhur me pushtetin.
“Jemi shumë të lumtur që konstatojmë që gjërat kanë shkuar sipas parashikimeve. Ne sot konstatojmë ecurinë e Reformës në Drejtësi. Ka filluar të japë fryte domethënëse, nuk është fushë me lule, ka ferrat dhe gropat e veta por një gjë është fakt, në Shqipëri institucionet e reja, prokuroria speciale po godet njerëz, individë të lidhur me pushtetin apo jo, por këta të parët kanë më shumë rëndësi se të tjerët, sic nuk ka ndodhur kurrë më parë”, u shpreh Rama.
Më tej, Rama tha se qeveria do tërhiqet nga pasaportat e arta, por jo nga amnistia fiskale.
“Kemi folur për konvergjencën ekonomike. BE të bëjë një hap përpara me afrimin. Në aspektin financiar, Ballkani nuk mund të bëjë para me këto gjendje që është. Dallimi, hendeku është marramendës. BP nuk e përballon dot këtë hendek në kushtet kur jemi të sfiduar kur vendet e mëdha marrin njerëz dhe i paguajnë.
E kemi pezulluar procesin e pasaportave të arta derisa të qartësohet në BE. Ka një çështje në Gjykatën Evropiane. Nuk e shpikëm ne. Nuk e nxjerrim në tavolinë pa vendosur gjykata. Po e miratuan ata, ok. Folëm për amnistinë fiskale, do të vazhdojmë punë me ekspertët. Nuk heqim dorë sepse kjo nuk është gjë e mirë, kemi arsyet tona pse themi se është gjëja e duhur për Shqipërinë. Faleminderit për ekspertizën”, deklaroi ai.
Discussion about this post