Rama: Nuk duam investime kineze, vendimmarrja e BE e rrëmujshme

“Nuk kemi pse të nxitohemi për anëtarësimin në BE, anëtarësimi do të vijë kur të vijë”, u shpreh Kryeministri Edi Rama.

Ai ka kërkuar tjetër qasje nga BE në lidhje me Ballkanin Perëndimor, për ta ndjerë atë të ndjehet më afër Unionit.

“Ne duhet të mësohemi të ecim me shpejtësi të ndryshme”, tha Rama, ndërsa theksoi se vendimmarrja e BE-së është një rrëmujë.

“Janë 27 vende, pot ë shtosh këtu edhe 6 vende nga Ballkani, që mund të sjellin gëzime, por do e bëjnë më të vështirë vendimmarrjen.

Edhe SHBA edhe BE mund të kenë problemet e tyre, mund të themi çfarë të duam, por ne nuk do të mund të mbijetonim si komb dhe as do të mund të bënim 90% të atyre që kemi bërë. Sot në Ballkan, falë mbështetjes nga SHBA dhe BE kemi 3 kryeministra shqiptarë”, tha Rama.

Lidhur me investimet kineze në Shqipëri, Kryeministri u shpreh se në Shqipëri nuk duam investime kineze. Rama tha se Kinën nuk e kemi as kundërshtar, as armik.

Në konferencën për mediat, Kreu I Qeverisë foli gjithashtu për opozitën iraniane, për të cilën tha se Shqipëria hapi dyert. “MEK do ishte copësuar nga shërbimet iraniane, ne pësuam një sulm kibernetik të fortë”, tha Rama.

Rama foli në lidhje me rrezikun nga sulmet kibernetike dhe aksionin e policisë në kampin e MEK, pak javë më parë.

Rama deklaroi se në bazë të marrëveshjes ishte e qartë se ata nuk duhet të kthenin Shqipërinë në platformë për të sulmuar regjimin e Iranit, e për pasojë Irani kreu sulme kibernetike kundrejt Shqipërisë.

“Si shembull mund të them se ne jemi një vend i vogël dhe nuk jemi në një pozitë për të ndryshuar fatin e ndonjë luftë konflikti apo beteje, por kur ne na kërkohet që të ndihmojmë, jemi shumë të lumtura që ta bëjmë. Në na kërkuan që të ndihmojmë për grupin MEK që janë një kafshatë e fortë, ndryshe do t’i ishin masakruar nga shërbimet sekrete në Iran na u kërkuan që të shpëtojmë jetën e tyre.

Shqiptarët e kanë në ADN-në tyre të shpëtojnë jetën e tjerëve. Marrëveshja ishte e qartë se ata do të qëndronin në Shqipëri të ishin të sigurt dhe jo për ta kthyer Shqipërinë në një platformë politike për të sulmuar regjimin. Ne u prekëm nga sulmet kiberentike nga Irani. Po përpiqemi të bëjmë shumë të për forcuar sigurinë kibernetike”, u shpreh Rama.