Nënkryetari i LSI, Petrit Vasili, nuk i ndal kritikat ndaj qeverisë, në çdo raste ai denoncon shkeljet që bëhen herë pas here me dokumentacione. Ditën e sotme Vasili ka publikuar një dokument, ku tregon se projektbuxheti i vitit të ardhshëm nuk është firmosur nga kryeministri Edi Rama.
Vasili e quan këtë një mjerim qytetar dhe thekson se në këtë mënyrë abuzon qeveria me çdo dokument të rëndësishëm. Sipas tij, Rama dhe kabineti i tij janë një turp qeveritar. “Çfarë mjerimi qeveritar, projekt-buxheti i vitit 2022 pa firmën e Edi Ramës! Për çfarë duhet ky kryeministër? Ky që bën sallahane lart e poshtë dhe nuk firmos as vendimin më të rëndësishëm të një qeverie si buxheti, kujt dreqin i duhet? Kjo përfundimisht nuk është qeveri, por një turp qeveritar që s’është parë kurrë më parë”, shkruan ai. Që nga momenti ku është publikuar buxheti i viti 2022, opozita nuk i ka ndalur kritikat, duke e cilësuar një buxhet abuziv dhe që thellon krizën ekonomike.
Discussion about this post