Kryeministri Edi Rama ishte i pranishëm në ceremoninë e hapjes së degës së re të Kolegjit Europian të Bryzhit në Tiranë.
Duke marrë fjalën, mes batutave dhe thumbimeve, Rama tha se është inkurajuese të shohësh sesi kalohet nga fjalët te veprat, teksa shtoi se Shqipëria duhet të ndihet e bekuar që rrethohet nga BE.
Kjo sipas Ramës, na ka ndihmuar që të bëjmë një shtet demokratik dhe funksional.
“Askush nuk mund t’u mësojë vendeve që gjenden në pjesë të tjera të Botës që duan të ecin përpara, duke transformuar shtetin e tyre, BE është më i miri që e bën këtë, askush, nuk mund ta shoqërojë njëvend që të dalë nga e shkuara e vetë e të sigurojë një shtet demokratik, siç bën BE.
E di që nuk është aspak e lehtë, nuk ka asnjë mësues që t’i bën nervat copë si BE, por nuk ka rrugë tjetër”, tha Rama.
Rama nuk ka lënë pa falenderuar Federica Mogherinin, e pranishme në ceremoni, por edhe stafin e Presidentes së KE-së, që mundësuan hapjen e degës së Kolegjit.
“Është inkurajuese të shohësh BE-në të kalojë shumë shpejt nga fjalët në vepra, por është inkurajuese dhe më duhet të them se kjo është diçka që e kemi përjetuar këto vitet e fundit falë përkushtimit të Presidencës, e cila na ka shoqëruar në momente kaq të errëta, si përshembull tërmeti shkatërrimtar tronditi Shqipërinë.
Mund të them se pa të, rrugëtimi ynë për tu ringritur dhe për të ndërtuar nga e para më mirë do të kishte qenë i pamundur.
Dua të nënvizoj, se sa e rëndësishme është kjo nismë që merr jetë sot brenda një kohë shumë të shkurtër.
Priremi të mendojmë se Europa ka të bëjë me ekonominë, me financimin, të gjitha këto gjëra janë të vërteta, por Europa ka të bëjë me dijen, me të mësuarit sesi të gjitha problemet që kemi shkaktuar nga e shkuara, ti transformojmë.
Mendoj sa të bekuar jemi që jetojmë në këtë vend e që rrethohemi nga BE.
Askush nuk mund t’u mësojë vendeve që gjenden në pjesë të tjera të Botës që duan të ecin para duke transformuar shtetet e tyre.
Ky kolegj është më shumë sesa një universitet që vjen nga jashtë e bëhet pjesë e sistemit tonë për të ofruar më shumë mundësi.
Kjo përveç kësaj është edhe një mësim më i thelluar për BE-në.
Mendoj se kemi të drejtën të jemi të lumtur dhe më shumë më tepër të rinj shqiptarë sesa 31 të tillë janë të prirur e duan të jenë pjesë e tij”, tha Rama.
Discussion about this post