Kryeministri Edi Rama në ceremoninë zyrtare të hapjes së konferencës “World Policy Conference” që po mbahet në Abu Dhabi, nuk i kurseu batutat që në nisje të fjalës së tij.
Ai theksoi se ndodhet mes kryeministrave më të gjatë në botë, por shtoi se Shqipëria ndodhet mes vendet më të vogla në planet.
“Të nderuar miq, siç mund ta përfytyroni jam mes kryeministrave më të gjatë në botë, kështu që tundimi për të folur për botën është shumë i madh. Por, vendi im im është mes vendeve më të vogla, kështu që nevoja për të folur për të është akoma më i madh. Do të përpiqem të mos jem i mërzitshëm, unë besoj se globalizmi është këtu dhe do të qëndroojë për aq kohë sa jetojmë në të njëjtin planet. Interesi i mirëfilltë po bëhet pak më i madh dhe aksioni shumëpalësh duhet të jetë në bashkëpunim”- u shpreh Edi Rama.
Rama thotë se është për shkak të historisë dhe traditës sonë, duke kujtuar këtu dhe vitet kur shqiptarët iknin në rrugët e Europës.
Kreu i qeverisë thotë se ne dukeshim si alienë vite më parë në brigjet e Italisë apo vendeve të tjera europiane.
