Pas deklaratave të kryeministrit Edi Rama, deputeti i Partisë Demokratike Ervin Salianji ka folur për mediat. Jashtë sallës së Kuvendit, ai tha se kreu i qeverisë iu drejtua opozitës me një gjuhë rrugaçi. Sipas Salianjit, Rama e kërcënoi me një gjyq që e ka hapur vetë. Por ai nuk trembet për shkak se mbron interesin publik.
“Asnjë nga këto nuk ndodhi sepse kryeministri në ditën që duhej të kujdesej për qytetarët u kujdes për një tjetër mega-aferë korruptive. Kërkon të marrë mijëra metra katrorë tokë dhe miliona dollarë për t’i kaluar në xhepat e njerëzve afër tij. E dëgjuat me një gjuhë rrugaçi si i drejtohej opozitës. Pa diskutim ngjarja tjetër e cila është paralajmëruar, se si kryeministri nga foltorja e parlamentit mendon se më kërcënon që e ka hapur vetë.
20 minuta pasi kryeministri bëri këtë kërcënim, Gjykata e Apelit solli një njoftim që për të njëjtat kërkesa procedurale, duke ndjekur një standard tjetër. Do jemi në proces gjyqësor nëpërmjet avokatit. As më tremb që të tërhiqem nga mbrojtja e interesit publik dhe dinjitetit të kujtdo që është në atë sallë. I drejtohet me atë gjuhë si i shfazuar. Mendon se është me ata që ka rreth e rrotull që i komandon dhe i sjell vërdallë si kukulla. Shqetësimi kryesor i km me sa duket është dhe protesta e 12 nëntorit, për të cilën gjej rastin të ftoj çdo qytetar që t’i bashkohet. Përballja do të bëjë që një kryeministër që është i shfazuar dhe kontrollin çdo institucion të vijë në binarë”, deklaroi Salianji.
Discussion about this post