Rama nuk pret hetimet e SPAK për Fatmir Xhafajn, mbështetje nga Luksemburgu!

Fatmir Xhafaj, pasi e mori hakën e vëllait që bëri burg për trafik droge në Itali, i ka dhënë fjalën Ramës që ta mbyllë çështjen e Olsi Ramës në SPAK. Ju kujtojmë se sot Gjykata e Lartë refuzoi kërkesën e ish-deputetit Salianji, i cili kërkonte lirinë, pasi është dënuar për denoncimin publik që i bëri për vëllain Fatmir Xhafajt, në atë kohë ministër i Brendshëm. Por për këtë i duhet një komision që ta shkatërrojë SPAK-un.

Dhe kryeministri që kishte vajtur në Luksemburg të hapte negociatat, gjen kohën të merret me komisionin “Xhafaj” dhe me opozitën.

Kryeministri Edi Rama ka reaguar sërish për hapjen e negociatave për grup-kapitullin e parë, por në fakt kjo ishte një deklaratë pro Fatmir Xhafajt. Në një postim në Facebook, Rama e ka një mesazh edhe për kritikët e komisionit të Posaçëm ‘Antikorrupsion’.

Duke fyer inteligjencën e popullit, Rama deklaron se opozita është kundër komisionit Antikorrupsion, duke shpërndarë gënjeshtra në rrjetet sociale (Sepse ky është një politikan që e urren të vërtetën, të cilës nuk i referohet kurrë). Për ta kthjelluar, dy gjëra duhet t’i themi në parantezë. Opozita nuk është kundër komisionit, por kundër Xhafajt si person subjekt i ligjit Antimafia. Xhafaj është i kallëzuar në SPAK njësoj si Olsi Rama dhe nuk mund të jetë iniciator i këtij komisioni. Së dyti, komisionin e refuzuan organet e Drejtësisë dhe këto nuk varen nga opozita.

“Një moment historik kurorëzimi i përpjekjeve të mëdha të deritanishme në fushën e mirëqeverisjes, sundimit të ligjit dhe antikorrupsionit. Shqipëria hapi zyrtarisht negociatat për Grup-Kapitujt, “Themeloret”:

-Funksionimi i institucioneve demokratike

-Reforma në administratën publike

-Gjyqësori dhe të drejtat themelore

-Drejtësia, liria dhe siguria

-Kriteret ekonomike

-Prokurim publik

-Statistikat

-Kontrolli financiar”.

Këto ishin detyrat e shtëpisë që i dha BE në Luksemburg kryeministrit tonë. Ky del dhe i trumbeton si arritje, pa i arritur akoma!

“Mbase përmbajtja e këtij Grupi-Kapitujsh dhe volumi i detyrave për t’u kryer, do t’ua ndriçojë fillin e arsyes edhe të gjithë atyre që ngritën akuza të paarsyeshme kundër Komisionit të Posaçëm Parlamentar për Mirëqeverisjen, Sundimin e Ligjit dhe Antikorrupsionin”, shkruan Rama.

A nuk ju duket një mesazh pa logjikë, që ka lidhje vetëm me Fatmir Xhafajn, por jo me hapjen e kapitujve? Po sikur opozita të thojë “bëje komisionin, por pa kryetar me lidhje familjare me mafian e drogës në Itali”?

gijotina.com/