Sado që të hiqet “novator” dhe “i rinuar” me atlete, madje duke përqafuar format e reja të gazetarisë (të cilën e ushtron si amator) Edi Rama shfaqet me zakone të vjetra të pushtetmbajtësve. Fjala vjen, kryeministri nuk shkon në mbledhjet e qeverisë, dërgon Belindën, por të gjithë e dinë se ai drejton me telefon. Nuk i ka qef letrat, të zezën mbi të bardhë. Thonë se ka frikë nga gjykatat, ku pritet ta kalojë kohën kur të pensionohet nga profesioni i kryeministrit. Tani edhe vendimet e qeverisë i firmos Belinda! Ja shikojeni më poshtë:
Në mbledhje nuk shkon, por ministret e reja i takon jashtë pune. I fton në podcast-in e vet. Sepse kryeministri e gjen kohën dhe paratë për këto gjëra. Pasi dështoi me ERTV, kjo është lodra e re mediatike.
Adea Pirdeni, ministre e Shtetit për Administratën Publike dhe Antikorrupsionin, e ftuar në podcastin ‘Flasim’ të Kryeministrit Edi Rama e ka konsideruar si një moment mjaft të rëndësishëm çeljen e negociatave për grup-kapitullin e parë me Bashkimin Europian.
Pjesa tjetër është histori. Pirdeni kujton momentin kur në vitin e vështirë të pandemisë, Etilda Gjonaj, ministre e Drejtësisë në atë kohë, e ka kontaktuar dhe e ka rekrutuar me skuadrën e Rilindjes.
Pra, ndiqni podcastin, jo mbledhjet e qeverisë, ku ministret firmosen symbyllur vendimet e diktuara nga Kryeministri.
gijotina.com/
Discussion about this post