Në Fier po vijon puna në kantierin e ndërtimit të urës Dërmënas, në rrugën Fier – Seman, e cila do të ndikojë në rritjen e sigurisë rrugore.
Kryeministri Edi Rama, ndau një video në faqen e tij të Facebook-ut nga ky kantier, ku puna duket se po vijon me ritme të larta.
“Ky është kantieri për ndërtimin e Urës Dërmënas, e cila do t’i përshtatet investimit në rrugën Fier – Seman – Bregdet”, shprehet Rama.
Ai e përfundon këtë postim duke thënë se ndërtimi i këtij kantieri do të jetë diçka e mirë për Fierin, pasi nxit turizmin e bujqësinë dhe afron detin në ekonominë e Fierit.
