Deputetja e Partisë Demokratike, Jorida Tabaku ka reaguar pasi kryeministri Edi Rama i ka ofenduar vazhdimisht protestuesit duke i konsideruar protestat si “turp kombëtar”.
Me anë të një statusi në Facebook, Tabaku shkruan se nuk është turp që qytetarët shqiptarë të dalin dhe të protestojnë për rritjen e çmimit, ndërsa shton se reagimi që kanë bërë qytetarët ndaj arrogancës së shtetit është më se korrekt.
“Raporti çmimi naftës për një serbator te mbushur në raport me të ardhurat! Vendi me të ardhurat më të ulëta në rajon, ku 40% e të ardhurave shkon për ushqimet dhe ujin, ku 25% shkojnë për karburant. Prandaj nuk është turp sot protesta për çmimet e naftës, monopolit të saj dhe taksave! Paketa e ofruar është qesharake dhe jashtë nevojave të qytetarëve. Taksat mbi naftën dhe oligopoli mbi naftën po rrisin çmimet më shumë se sa në çdo vend tjetër! Reagimi qytetarëve është korrekt përballë arrogancës së korruptuarve”, shkruan Tabaku.
Discussion about this post