Kryeministri shqiptar, Edi Rama, habiti teksa para presidentes së Parlamentit Europian, Roberta Metsola, komentoi skandalin e fundit që ka përfshirë këtë institucion.
Duke folur në një forum në Davos për arrestimin e ish-zëvendëspresidentes së Parlamentit Europian, Rama tha në anglisht se ‘karma është një kurvë’.
“Por për ne dhe për mua kjo nuk është shaka, BE-ja është destinacioni i vetëm. Edhe nëse nuk do të arrijmë kurrë atje, pjesa e rëndësishme është se do të jemi në gjendje të kemi një shtet të ngjashëm me BE-në me institucione reale, llogaridhënie reale e kështu me radhë e kështu me radhë. Por, më vjen keq që duhet ta them, kur ky rast korrupsioni doli në Parlamentin Europian, thashë, ‘karma është k…”, tha Rama.
Kjo shprehje përdoret kur kërkon të thuash se një gjë e keqe që ke bërë, kthehet një ditë si hakmarrje kundër teje.
Discussion about this post