Kryeministri Edi Rama u ka tërhequr vëmendjen kryebashkiakëve për çështjen e plehrave, ku i ka paralajmëruar këta të fundit se nuk do të nxjerr asnjë tender në qoftë se nuk pastrohen bashkitë.
Në mbledhjen e zhvilluar në kryeministri, kreu i qeverisë ndër të tjera solli në vëmendje bashkinë Himarë.
Edhe ministrja e Turizmit, Mirela Kumbaro, e ka vënë si prioritet të punës së saj menaxhimin e mbetjeve në territor si parapërgatitje për sezonin e ardhshëm turistik.
Kumbaro u nxori fotot me pikat e nxehta nga veriu në jug, me bashkitë më problematike që paraqiten deri më tani.
Më herët gjatë shtatorit kryeministri Rama ka paralajmëruar kryebashkiakët që të bëjnë kujdes me pastrimin e plehrave dhe ndalimin e ndërtimeve pa leje në territorin e tyre.
Rama tha se kushti themelor për të gjithë kryebashkiakët do të jetë pastërtia e territorit që ata administrojnë.
