Rama konfirmon ndryshime në qeveri

Kryeministri Edi Rama do të propozojë ndryshime në qeveri, të cilat nesër do ti dërgohen Presidentit për dekretim.

Këtë e ka bërë të ditur vetë Rama, i cili me anë të një statusi në Facebook thotë se emrat do t’i bëjë të ditur në fjalimin e tij të Asamblesë në orën 17:00.

Po ashtu, Rama thotë se do te propozojë edhe sekretariatin e ri Ekzekutiv, te cilin e shkarkoi në mbledhjen qe u be ne muajin korrik.

“Pas pak, në 17.00, fjala ime drejtuar Asamblesë Kombëtare të Partisë Socialiste, propozimi i Sekretariatit të ri Ekzekutiv të partisë dhe paraqitja e propozimeve që do t’i drejtoj nesër Presidentit të Republikës për kabinetin e ri qeveritar”, shkruan Rama.