Kryeministri Edi Rama ka paralajmëruar qytetarët se së shpejt do të nisë verifikimi i pagës së deklaruar dhe stilit të jetesës, me synim që të parandalohen evazionet fiskale.
Teksa fliste për ecurinë e Njësisë Speciale Antiinformalitet e krijuar pas skandalit me publikimin e pagave të shqiptarëve, Rama tha se kush pagan më shumë, do japë më shumë. Sipas tij, nuk mund të kesh shtëpi e makina të shtrenjtë, për sa kohë ke një rrogë që nuk i justifikon ato.
“Në kushtet e sotme, ku është një situatë e ngarkuar për shkak të pasojave të luftës, në të gjithë zinxhirin tregtar, dhe mbi çmimet, çka e kemi konstatuar të gjithë, është një kohë kur ata që janë më shumë duhet me patjetër të kontribuojnë më shumë, që barra të ndahet sa më drejtë dhe për më tepër është një kohë kur të gjithë bizneset duhet të hedhin një hap më tutje për të normalizuar marrëdhëniet me punëmarrësit e tyre për të formatizuar pagat e tyre, dhe për të mos ngrënë pensionin e tyre, si mund të hahet pensioni i tjetrit?! Ne do shkojmë në tutje në ballafaqimin e pagave te deklaruara me stilin e jetesës, kjo vlen për ata që marrin paga të larta dhe që i shmangen deklarimeve në mënyrë të ndryshme, ka një axhustim për tu bërë, me mbylljen e asaj hapësire ku luhet nga individët për tu shfaqur si subjekte fizike, por përtej kësaj do ecim me kontrolle që synojnë gjetjen e boshllëqeve midis deklarimit të ardhurve dhe stilit të jetesës. S’mund të kesh të ardhura X dhe të kesh shtëpia e vetura që nuk bëhen kurrë me ato të ardhura. Ne do e kthejmë këtë mbështetje në masa ligjore për të cilat do të flasë ministrja”, tha Rama.
Discussion about this post