Nga poldrumi i Pallatit të Kongreseve, ku po mbahet Asambleja e PS, kryeministri Rama paralajmëroi një reformim të PS, duke e krahasuar me një azil pleqsh.
Kryeministri u shpreh se kabineti duhet të punojë dhe të mos rehatohen tani që morën mandatin e tretë, pasi sipas tij, edhe PS mund të mbesë në rrugë.
“Nuk duam që një ditë të bëhemi një azil pleqsh, duhet të veprojmë sot pa menduar që kjo nuk do të ndodhi në kohën që ne do kemi pushtetin, por mund të ndodhi më shpejt.
Edhe makineria jonë e pathyeshme elektorale rrezikon të mbetet një ditë në rrugë pa benzinë, në pamundësi për të rendur më tutje, pa kokë dhe pa krahë”, tha Rama.
Nuk dimë se si kjo pjesë e fjalimit u prit nga Luljeta Bozo duke marrë parasysh moshën e saj të thyer dhe duke qenë një nga anëtaret më të reja që iu është bashkuar PS.
