Kryeministri Edi Rama deklaroi pasditen e sotme se patronazhistët janë në veprim edhe kur qytetarët janë në gjumë. “Sistemi i patronazhimit është aktiv edhe kur ju flini, jo më kur fle opozita, që jemi patronazhistë dhe ne të tjerët”, tha Rama.
Pas mbledhjes online të Asamblesë Kombëtare të PS-së, Rama iu përgjigj pyetjeve të gazetarëve, ndërsa tha se përsa kohë në sallën e Kuvendit nuk do të ketë kushte për vijimin normal të seancave, ligjet do të miratohen me shpejtësi, duke shmangur diskutimet.
Kryeministri nuk dha një përgjigje nëse Kuvendi do të miratonte nesër në seancë ligjin për Amnistinë.
“Ligjet kalojnë në kohë të shkurtër se nuk ka në sallë kushte për të kaluar në një kohë të gjatë. Sa kohë s’ka kushte normale, ashtu do votohen.
Nuk jam në dijeni a do hidhet në votim amnistia nesër, sepse i kemi punët e ndara, jam një deputet në parlament që shkoj dhe ndjek çfarë është përgatitur.
Nuk e di si është agjenda nesër. Është bërë një diskutim për një keqkuptim që është adresuar sot nga Ministri i Drejtësisë”, tha Rama.
Discussion about this post