Kryeministri Edi Rama në “Opinion” u pyet edhe për strehimin e afganëve, duke thënë se nëse do qëndrojnë më shumë se 1 apo 2 muaj, të gjitha shërbimet do të paguhen nga Amerika.
“S’mund të jenë shpenzimet e taksapaguesve shqiptar, mund ta bënim nëse është 1-2 javë, por nëse rrinë 1-2 vjet dhe kemi pasur dakordësi që shpenzimet e qëndrimit, qeveria amerikane do të mbulojnë shpenzimet. Ishte variant për të ngritur kamp, unë kam thënë që kampe nuk ka. Kemi dhënë disponibilitet për 4 mijë, por mesa duket nuk do vijnë se nuk po lëvizin dot” – tha Rama.
Në lidhje me futjen e emigrantëve në kamp, Rama tha se është diskutuar një mundësi e tillë, por nuk e ka pranuar, pasi e ka konsideruar çnjerëzore.
“Shpenzimet e afganëve nuk do të jenë të taksapaguesve shqiptarë dhe kemi aptur dakordësi të plotë që për sa u përket shpenzimeve këto entitete, qeveria amerikane apo kushdo që merr përsipër do të mbulojnë shpenzimet e tyre. Kemi bërë ekzaktësisht atë që bëmë më familjet që humbën shtëpitë nga tërmeti, nuk kemi pranuar të ngremë një kamp. Unë kam thënë që kampe në Shqipëri për refugjatët nuk ka. Futja në kamp është çnjerzore për ta dhe krijon problem edhe për Shqipërinë, shoqërinë tone” -shtoi Rama.
