Nga Serbia, ku po mbahet konferenca e radhës rreth nismës së “Open Balkan”, kryeministri Edi Rama tha se kjo është në të mirën e bizneseve, që të përfitojnë më shumë nga studimet e huaja.
“Kjo është për të mirën e bizneseve tona. Marr si shembull Serbinë që ka bërë një hap të madh në thithjen e investimeve të huaja. Që të përfitojmë më shumë nga investimet direkte dhe të sjellin më tepër vlerë të shtuar. Më vjen mirë që sot na u dha mundësia që të bëhemi bashke më të gjithë investuesit. Ata kërkua njëzëri që ç’ka ne nëshkruajmë në nivelin politik dhe qytetar, të përkthehet në një realitet të prekshëm për ta në kufi, aty ku fillojnë problemet. Nga një vend në tjetrin, transportimi i frutave, perimeve apo qumështit has probleme. Janë produkte që nuk rrinë dot me ditë në kufi që shtojnë kostot negative mbi vetë produktet”, tha Rama.
Rama tha se tre liderët janë takuar gjithashtu me përfaqësues të Këshillit të Atlantikut, dhe së shpejti do kryhet një studim për përfitimet e “Open Balkan” në Tiranë.
“Tre javë për të pritur konfirmimin nga agjencia e vendit tjetër për produktet që të sjell një vend tjetër. Kemi takuar Këshillin e Atlantikut që e njihni mirë se çfarë përfaqëson, ka ardhur enkas nga Uashingtoni. Do të ekspozohet dhe në Tiranë një studim për potencialet dhe përfitimet nga Ballkani i Hapur i të gjashtë vendeve. Asnjë lëkundje nuk kemi në rrugën për të ndërtuar vendet tona në vende me standarde të Bashkimit Evropian. Peng i tyre ka rënë edhe Rajoni. Duke u integruar në rrjetin e universiteteve, fermerëve, tregun e përbashkët evropian. Në segmente të caktuara vendet tona, duke e konsideruar Ballkanin Perëndimor si pjesë të veten. E fundit fare ne kemi vënë re, tashmë që sezoni turistik është mbyllur se fluksi është rritur 63%, 22% në Shqipëri. Janë shifra që ndikojnë në ekonomi. Jemi të bindur që këto shifra vijnë vetëm duke u rritur”, u shpreh ai.
Rama e mbylli fjalën e tij duke thënë se në dhjetor nisma do japë rezultate konkrete, ndërsa nga janari fillon një relaksim për fermerët, distrubutorët dhe kompanitë.
Discussion about this post