Kryeministri Edi Rama ka reaguar pas takimit që pati me tre nga përfaqësuesit e lagjes “5 maji”, mes tyre dhe nënë Liza, ku u pa se nuk ishte arritur asnjë marrëveshjeve mes palëve.
Rama u shpreh se banorët do të marrin një trajtim me dinjitet, ndërsa tha se shtëpi do të banesë si personat me shtëpi të legalizuara, si dhe ata që nuk kanë letra legalizimi.
“Për të gjithë banorët, qoftë të zonës së 5 majit, që janë të ndarë në dy kategori, do të ketë një trajtim të dinjitetshëm, solidarë, njësoj siç u bë me ata që u prekën nga tërmeti. Ata që janë me dokumente të rregullta, zgjidhja është e qartë, ose kompesim financiar, ose me shkëmbim. Për ata që janë pa letra fare, qasja është solidare, nuk është hedhja në rrugë, ia shpjegova të gjitha procedurat, që do të thotë se shtëpia pa leje prishet, familja merr kompensimin me shtëpi, njësoj si ata që mbetën pa shtëpi nga tërmeti, dhe që në atë ditë që do marrin shtëpinë, do trajtohen me bonus qeraje”, tha Rama.
Por, banorët që ishin në takim me Ramën, pretendojnë se kryeministri nuk i ka dëgjuar, e madje i ka ofenduar dhe i ka ndërprerë fjalën disa herë, gjë që u pa dhe në fund të deklaratës me nënë Lizën ku Rama iu drejtua tërë arrogancë.
Discussion about this post