Si në çdo palë zgjedhje, edhe në këto Edi Rama nuk mund të linte pa i përdorur gratë dhe vajzat si fasadë, qëllimisht për të mbuluar ndikimin e krimit të organizuar dhe korrupsionit në ndikimin e votës në favor të partisë në pushtet.
Çeljen zyrtare të fushatës elektorale për zgjedhjet parlamentare të 11 Majit, Rama mbajti një takim vetëm gratë dhe vajzat e PS-së në sallën e TOB, për të dhuruar “show”.
Sipas Ramës, nëse gratë do largoheshin nga Shqipëria, ky vend do të mbushej me burra të palarë në rrugë
“Para disa vitesh nuk kishte asnjë grua dhe asnjë vajzë në takime, ajo që e bënte dëshpëruese takimin e këtij lloji ishte përgjigja e pyetjes sime pse s’ka asnjë grua këtu. Kur ata nuk reagonin shtoja edhe pyetjen tjetër po në shtëpi kush kujdeset për, ju vetë për veten tuaj. Imagjino sikur të gjitha ju të iknit nga Shqipëria, për pak kohë, kur të ktheheshit ky vend do ishte i mbushur me burra me mjekëra dhe me flokë të gjata, të palarë rrugëve. Në atë kohë parlamenti nxinte nga burrat dhe qeveria e sapo formuar kishte një grua. Po në këtë parti nisi një revolucion gjinor duke e rritur pjesëmrrjen e vajzave dhe grave në parti. Raporti burra- gra në rolë drejtues u shtri në listat e këshillave bashkiak dhe më pas në Kuvend, qeveria jonë është në 5-shen e parë të klasifikimit për pjesëmarrjen më të lartë të grave në kabinetet qeveritare”, tha Rama.
Ndër të tjera, Rama i konsideroi gratë si komandot e armatës, edhe pse ashtu siç e theksuam më lart, ato janë thjesht fasadë, ku mund të përmendet Durrësi, ku pas Emiriana Sakos, qëndron Vangjush Dako.
“Gratë dhe vajzat nuk do ti ndërroja kurrë me mbështetjen e pjesës tjetër, të cilët padiskutim e çmoj shumë siç çmoj çdo shqiptar që na mbështet. Mes dy palëve unë zgjedh gjithmonë të parën, nënat bijat dhe motrat. Gratë dhe vajzat, duke e njohur organizimin e PS, meritojnë të quhen komandot e armatës tonë fitimtare në të gjitha qarqet. Flamurin e fitores tonë, që e keni qëndisur me durim, do të mbulojë të gjithë hartën elektorale të 11 majit. Mëngjesin e 12 majit, Shqipëria do të gdhihet e mbuluar me rozë, që është ngjyra e grave dhe vajzave, por edhe e PS.” – tha Rama.
Kreu i socialistëve nuk la pa etiketuar edhe si shumë herë të tjera Elisa Spiropalin si “Mamica” për të shkaktuar të qeshura në sallë.
Discussion about this post