Në lidhje me protestat që po bëjnë naftëtarët e Ballshit, për shkak të demontimit të uzinës, ka reaguar kryeministri Edi Rama. Teksa ka postuar një video nga hapja provizore e rrugës së Arbrit, një komentues ka shkruar se kjo është reklamë dhe se Rama duhet t’i hedh njëherë sytë nga naftëtarët.
“Shiko zjarrin e Mallakastrës ku punonjësit e Uzinës ne ballesh i kanë fëmijët pa bukë lëri reklamat me rrugë të pa përfunduar” – shkruan komentuesi.
Nga ana tjetër, Rama nuk ka nguruar t’i përgjigjet komentuesit duke shkruar se punonjësve të uzinës, u kanë lidhur pagë minimale për tre vite rresht, në mënyrë që të kenë mundësi për të gjetur punë të tjera. Në lidhje me reklamën e rrugës, Rama shkruan se videoja e postuar është për informim dhe jo reklamë.
“Punonjësve të Uzinës u kemi lidhur page minimale për tre vjet, qe të kenë kohë të sistemohen në punë të tjera, pikërisht që ne ndërkohë të mos i kenë fëmijët pa bukë siç thua ti, sepse uzina është e privatizuar nuk është aset shtetëror dhe tërë investitorët e mundshëm që kemi sjellë e konsiderojnë pa interes, për shkak të teknologjisë së vjetër e të degradimit në shumë vite!
Sa për reklamat po risqarojë se këtu nuk bëhen reklama, po jepen informacione për të gjithë ata që dëshirojnë t’u marrin këto informacione dhe rruga është e hapur, shkurton 2 orë e gjysmë kohën e lëvizjes mes Tiranës e Dibrës kështu siç është, ndërkohë që me përfundimin e Tunelit të Murrizit do ta shkurtojë edhe 30 minuta të tjera” – shkruan Rama.
Kujtojmë se naftëtarët e Ballshit kanë dalë sot në protestë, ku edhe janë përplasur me rojet e sigurisë. Përmes një kërkese kreu i Sindikatës, Sokol Dautaj, ka deklaruar se prej disa ditësh një kompani private e paautorizuar ka filluar punimet brenda në rafineri, duke penguar punimet e tyre. Ai shprehet se kjo ndërhyrje pa marrë më parë asnjë leje po i dëmton shumë ata dhe duket hapur se po abuzohet me vlerat që ka rafineria.
Discussion about this post