Kryeministri Edi Rama ka ndarë një selfie me kryeministrin e Maqedonisë së Veriut, Dimitar Kovaçevskin, e shkrepur gjatë samiti të BE-së që po zhvillohet në Bruksel.
Në një postim të bërë në Twitter, kreu i qeverisë shkruan se janë mësuar me këtë farse e se janë më shumë se kurrë të përkushtuar që të shtyjnë përpara modernizimit të vendeve dhe rajonit.
“Ende po prisni Godot? Jo, ne jemi mësuar me këtë farsë dhe jemi më shumë se kurrë të përkushtuar që të shtyjmë përpara modernizimin e vendeve dhe rajonit tonë me frymë të palëkundur evropiane”, shkruan Rama.
Sot dhe nesër, më 23 dhe 24 qershor do të mbahet samiti i Bashkimit Europian në Bruksel. Për Shqipërinë dhe Maqedoninë e Veriut duket se nuk do të ketë përparim në lidhje me negociatat duke qenë se një ditë më parë qeveria e Bullgarisë ra dhe vetoja ndaj Maqedonisë së Veriut qëndron ende. Por, Ukraina pritet të marrë statusin e vendit kandidat për integrimin në Bashkimin Evropian
Discussion about this post