Kryeministri Edi Rama u ka rikujtuar sërish mëngjesin e sotëm, studentëve dhe pedagogëve se nëse duan të futen në auditore, duhet të jenë të vaksinuar.
Kryeministri ka ndarë disa foto në Facebook nga procesi i vaksinimit e përkrah shkruan se vaksinimi është garanci më shumë, për një ecuri sa më të mirë të vitit të ri akademik.
“Mirëmëngjes, dhe duke ju kujtuar se për të hyrë në auditor vaksinimi është i detyrueshëm, si edhe duke ju njoftuar se tanimë dyert e universiteteve janë hapur për vaksinimin e pedagogëve e studentëve, si një garanci më shumë, për një ecuri sa më të mirë të vitit të ri akademik që është në prag, ju uroj një javë të mbarë”, shkruan Rama.
Prej disa ditësh vaksinimi është bërë me detyrim për shtresa të caktuara në vendin tonë, ku përfshihet stafi mjekësor, punonjësit e administratës dhe studentët e pedagogët.
