Mëngjesin e kësaj të premteje ministrat e dy shteteve shqiptarë u panë të hynin në oborrin e biznesit të Gjergj Lucës në Elbasan, por ajo që ra në sy ishte se qeveritarët e Kosovës me në krye kryeministrin Albin Kurti mbërritën me mikrobusë, kurse homologët e tyre me mjete të tjera luksoze.
Mbledhja e dy qeverive Shqipëri- Kosovë fillimisht u planifikua në Durrës, por për arsye nuk dihen, destinacioni ndryshoi dhe u bë në Elbasan. Sot ministrat, zyrtarë të tjerë dhe dy kryeministrat janë ulur përballë njëri-tjetrit për të diskutuar lidhur me marrëveshjet dhe forcimin e bashkëpunimit mes dy vendeve. Por vendi lë pak për të dëshiruar, pse u zhvillua pikërisht në restorantin e Gjergj Lucës?
Në të njëjtin restorant shefi i qeverisë ka zhvilluar aktivitete të tjera të Partisë Socialiste. Duket se Luca është mjaft i afërt me Edi Ramën, pasi në daljet publike Luca del në mbrojtje të qeverisë, mbase edhe për përfitimet që ky i fundit ka.
Rasti i fundit flagrant ishte ai datës 20 nëntor, ku në Durrës Edi Rama mblodhi biznesmenët e peshkut dhe Luca në vend që të fliste për hallet e peshkatarëve, sulmoi protestuesit fermerë të cilët kishin bllokuan rrugët duke flakur edhe prodhimet e tyre, pasi nuk gjejnë më treg.
Discussion about this post