Kryeministri Edi Rama prezantoi sot programin elektoral të Partisë Socialiste për zgjedhjet e 11 majit, duke e vendosur theksin tek vizioni për “Shqipërinë 2030” dhe rrugëtimin drejt anëtarësimit në BE.
Në fjalën e tij, Rama u ndal në sfidat e qeverisjes së kaluar dhe arritjet në procesin e integrimit evropian. “Vetëm duke mos harruar të djeshmen, mund të shohim me qartësi të nesërmen,” u shpreh ai, duke kujtuar pengesat që Shqipëria ka hasur nga politika e brendshme e BE-së.
Ndersa vazhdon të përdorë të njëjtën kartë për propagandë, duke theksuar integrimin në Bashkimin Evropian si një arritje të madhe, ai harron se gjendja e arsimimit dhe kushte e shkollave janë të skandalshme dhe nuk mund të ndryshojnë thjesht me një pasaportë të Bashkimit Evropian. Integrimi në BE është një proces i rëndësishëm, por ai nuk mund të zëvendësojë nevojën për reforma të thella në sistemin arsimor, investime të mëdha dhe angazhim për përmirësimin e kushteve që ndihmojnë në zhvillimin e të rinjve dhe ardhmërisë së shoqërisë.
“Kemi në dorë mundësinë historike të hyjmë në BE. Të hyjmë brenda kësaj dekade sepse yjet janë rreshtuar në favorin tonë. Ylli i fatit tonë është rreshtuar me yjët e fatit të BE. Për herë të parë nuk jemi vetëm ne që duam të hyjmë sa më parë në BE, por edhe BE kërkon të na marrë në gjirin e vetë sa më parë, ndaj edhe po negociojmë me një vrull të jashtëzakonshëm”, u shpreh Rama më tej.
Discussion about this post