Replikës që i erdhi nga prokuroria e krimeve të rënda për deklaratat si kryetar i PS, kryeministri iu përgjigj në cilësinë e kreut të ekzekutivit.
“Nuk është as komunikimi dhe as replika me politikanët detyra e organit të prokurorisë”, për më tepër me komunikata që ngjajnë si të shkruara në selitë e partive politike, thuhet në njoftimin për shtyp që vjen nga zyra e kryeministrit.
Kryeministri shpreh keqardhjen që opinionin e tij mbi punën jo serioze të prokurorisë në seancën publike të këshillit të mandateve, organi i akuzës e pretendon si përpjekje për intimidim.
Bashkë me nxitjen për një hetim sa më të shpejtë, serioz e shterues për Tahirin, Kryeministri i përsërit edhe apelin prokurorisë që të bëjë punën që i ngarkon kushtetuta, e t’ia lerë publikut gjykimet për politikën.
