Kryeministri Rama nuk i ndal provokimet dhe talljet ndaj popullit shqiptar. Nëse çdo ditë ironizon me postimit në rrjetet sociale, këtë herë kryeministri ka provokuar hapur qytetarët. Ditën e sotme në oborrin e Galerisë së Arteve është vendosur busti ish-diktatorit të ish-Bashkimit Sovjetik Jozef Stalin më shumë se katër dekada pas heqjes së tij. Ky veprim i rihapi plagët atyre qytetarëve që kanë jetura tmerrin e komunizmit.
Qytetarë të ndryshëm kanë publikuar në rrjetet sociale një foto nga oborri i Galerisë së Arteve, ngjitur me instalacionin “Reja” ku duket qartë statuja prej bronzi e Stalinit, e cila ndodhet prej disa ditësh aty.
Statujat e Stalinit, Leninit, Enver Hoxhës, janë në pjesën e pasme të Galerisë së Arteve, duke u bërë edhe një atraksion turistik për vizitorët e huaj gjatë verës, por duket se pa fillimit të rikonstruksionit ajo e diktatorit sovjketik është nxjerrë në pjesën e përparme për të vijuar punimet.
Discussion about this post