Ndërkohë që vendi ndodhet në krizë dhe varfëria po rritet çdo ditë, qeveria jonë nuk ka para për të subvencionuar qytetarët, por ka para për satelitët. Kryeministri Rama dhe vartësit e tij iu kërkojnë qytetarëve të ecin në këmbë e të kursejnë naftë, të mos ndezin pajisjet elektronike dhe të kursejnë energji, por në asnjë mënyrë nuk heqin dorë nga satelitët. Madje, ky plan e qeverisë ka filluar të konkretizohet dhe të derdhen para për të. Ditën e djeshme në Agjencinë e Prokurimeve Publike është publikuar një kontratë tenderues dhe bëhet fjalë për projektin e monitorimit të territorit me satelitë.
Sipas kësaj kontrate, satelitët do t’iu kushtojnë taksapaguesve shqiptarë plot 6 milionë dollarë. Sipas të dhënave, ky projekt është nën administrimin e Agjencisë së Mbrojtjes Civile, e cila ka shpallur kompaninë fituese në një kohë fare të shkurtër. Fituese e këtij tenderi ka rezultuar kompania amerikane “Satellogic USA” Inc. Sipas dokumenteve të tenderit, shtetit shqiptar do t’i paguajë kësaj kompanie 760 000 lekë për tre vite.
Ndërkohë, ajo që bie në sy është se procedura është konfidenciale për shkak se kompania nuk do të bëjë publike informacionin e dhënë, përfshirë sekretet teknike ose tregtare dhe veçoritë konfidenciale të ofertave dhe kërkesave për pjesëmarrje, praktikë kjo që qeveria shqiptar e ka ndjekur edhe me vaksinat. “Në rast se kompania nuk dorëzon sigurimin e kontratës brenda afatit përfundimtar, të përcaktuar në njoftimin e fituesit, atëherë autoriteti kontraktor do të konfiskoj sigurimin e ofertës dhe do të lidhë kontratën me ofertuesin e renditur i dytë në klasifikimin përfundimtar”, thuhet në njoftim.
Ndërkohë, të vetmet të dhëna që figurojnë për këtë kompani janë; Satellogic USA” Inc. NC 28036, është me adresë në ShBA konkretisht: 210 Delburg Street, Davidson US dhe është e specializuar në satelitët e vëzhgimit të Tokës, e themeluar në vitin 2010 nga Emiliano Kargieman dhe Gerardo Richarte. Por, duhet të kujtojmë këtu se ligji i prokurimeve kërkon që të shmangen sa më shumë kontratat sekrete për tenderët. Një gjë të tillë e kanë kërkuar vazhdimisht edhe ndërkombëtarët që monitorojnë gjendjen ekonomike dhe nivelin e korrupsionit në vendin tonë. Sikur duket, në këtë rast Rama ka bërë përjashtim duke na treguar hapur që ky tender është abuzues dhe po derdhen miliona dollarë për një investimet jo të domosdoshëm në kushtet ekonomike që ndodhet vendi./ Gijotina.com/
Discussion about this post