Kryeministri Edi Rama i ftuar në emisionin “Open”, Rama komentoi situatën e tensionuar mes Kosovës dhe Serbisë dhe vizitën e tij të parë zyrtare në Kosovë, pasi u rikonfirmua sërish në detyrën e kreut të qeverisë.
Ndërsa, theksoi se e vetmja rrugë për të zgjidhur tensionet mes dy vendeve është dialogu.
“Ma bënë edhe këtë pyetje sot, dhe u përgjigja jo. Panorama është e qartë, Kosova ka të drejtë. Kjo duhet zgjidhur me dialog dhe nuk ka asnjë mekanizëm për ta zgjidhur. I gjithë komuniteti ndërkombëtar është i vetëdijshëm që Kosova ka të drejtë. Të gjithë po kërkojnë që situata të shtensionohet. Këtu situata është e kahershme për një skadim të afatit të asaj marrëveshje”- u shpreh Rama.
I pyetur në qoftë se mes dy kryeministrave ka një marrëdhënie të ftohtë, kreu i qeverisë tha se me Kurtin i ndan çështja e “Ballkanit të hapur”.
“Marrëdhëniet e ftohta me Kurtin janë sajesë mediatike. Kemi një mos dakordësi me Ballkanin e Hapur. Por përtej kësaj jemi në kontakt të vazhdueshëm. Si vizitë e parë jashtë vendit na takon të shkojmë në Kosovë. Tema kryesore ishte çuarja përpara e bashkëpunimit”- tha kryeministri Edi Rama.
Kryeministri Rama tha se Serbia do i kërkoj falje Kosovës për të gjithë situatën e krijuar.
