Kryeministri Edi Rama ka publikuar një video ku shihet se ka mbërritur në Beirut, Liban, në vendin ku do të kryhet dhe operacioni i tërheqjes së pesë grave dhe 14 fëmijëve shqiptarë që kanë jetuar mes ferrit të kampet e Sirisë.
Në pamjet e publikuara në profilin e tij në Facebook, kreu i qeverisë shihet teksa takohet me gjeneralin Abass Ibrahim. Ramën e shoqëron edhe ministri i Brendshëm, Bledi Çuçi.
“Beirut, Liban – Për operacionin e shpëtimit nga kampi i ferrit në Al Hol dhe kthimit të fëmijëve e grave të tjera në Atdhe 5 gra dhe 14 fëmijë shqiptarë nga kampet e vdekjes në Siri, nesër në Shqipëri, falë një operacioni të gjatë e të ndërlikuar inteligjence në terren dhe ndihmës së paçmueshme të gjeneralit Abass Ibrahim,”- shkruan Rama krah pamjeve.
Lajmin e mirë e bëri me dije fillimisht një gazetar i NBC, i cili ka postuar në rrjetin social ‘Twitter’ foton e 5 grave shqiptare bashkë me fëmijët e tyre.
