Në fjalimin që po mban sot në Vjenë, kryeministri Edi Rama ka bërë disa deklarata të forta ku mes ironie ka bërë një krahasim mes sjelljes së BE-së dhe atë të Vladimir Putin. Ai tha se zërat flasin që Putin ka bërë deri më tani të kundërtën e asaj që kërkonte, ka përbashkuar Europën dhe NATO-n. E Ndërsa tha se Putin, duke dalë në luftë kundër Ukrainës, po merr atë që meriton dhe është sëmurë, Rama theksoi se edhe BE në këtë situatë nuk është e shëndetshme.
“Dje, parlamenti bullgar votoi për diçka, por dua të theksoj se kjo nuk lidhet vetëm me Bullgarinë. Bullgaria është shprehja finale e frymës së deformuar të zgjerimit. Ka diçka më të thellë që është humbur dhe duhet rikuperuar shpejt. Të gjithë dëgjojmë që Putin është shumë i sëmurë. Mund të jetë ose jo e vërtetë, por nuk duket sikur BE është shumë e shëndetshme dhe se hapësira jonë është e mbrojtur mirë nga ajo çka mund të vijë.
Dëgjova një prej miqve francezë që përsëriste se Putin ka bërë të kundërtën e asaj çka kërkonte duke përbashkuar Europën, duke sjellë bashkë NATO, por është shumë herët për tu thënë se nuk duket sikur dimri i ardhshëm do të jetë i lehtë dhe nuk duhet të marrim të mirëqenë cakun e durimit të opinionit publik që as nuk ekziston në Rusi”, është shprehur ai.
Kryeministri Edi Rama ka komentuar sërish vendimin e parlamentit bullgar për të pranuar propozimin francez për heqjen e vetos ndaj Maqedonisë së Veriut. Duke thënë se realiteti gjeografik tregon që BE po e lë vetë të mbyllur njërën portë të saj, Ballkanin Perëndimor.
Discussion about this post