Kryeministri Edi Rama ka prezantuar “Diellën”, një ministre virtuale e krijuar nga Inteligjenca Artificiale, e cila sipas qeverisë synon të luftojë korrupsionin në prokurimet publike. Rama pret që ky projekt të sjellë më shumë transparencë, edhe pse sfida mbetet e madhe, duke marrë parasysh që as ministrat tradicionalë nuk kanë arritur ta eliminojnë korrupsionin.
Emisioni investigativ italian “Report” i RAI ka rikthyer në vëmendje lidhjet e politikës shqiptare me kartelet e drogës dhe ndikimin e mafies në ekonominë e vendit.
Në një postim në Instagram, “Report” e përshkruan Shqipërinë si “vatër korrupsioni” dhe citon raportet e Transparency International dhe Komisionit Evropian për përhapjen e korrupsionit dhe kufizimet e sistemit gjyqësor në trajtimin e këtyre rasteve.
Shkrimi
Në Shqipëri, tenderët publikë do të vlerësohen nga ministri i parë në botë krijuar nga inteligjenca artificiale. Shqipëria është bërë vendi i parë në botë që ka një ministër të IA-së: jo thjesht një ministër i IA-së, por një ministër virtual i përbërë nga pixele dhe kod.
Programi do të ketë si avatar një grua e veshur me rroba tradicionale dhe një emër: Diella, fjala shqipe që do të thotë “diell”. Kryeministri i Shqipërisë, Edi Rama, nga Partia Socialiste, ka mbrojtur idenë se një inteligjencë artificiale me detyrë vlerësimin e tenderëve publikë do të ndihmojë në uljen e korrupsionit.
Organizata Transparency International e konsideron Shqipërinë si një nga vendet e Ballkanit Perëndimor me nivelin më të lartë të korrupsionit. Sipas Komisionit Europian, masat për ta reduktuar deri tani kanë pasur një ndikim të kufizuar, pjesërisht edhe për shkak të mungesës së kapaciteteve të sistemit gjyqësor për të mbështetur procese të tilla.
Në investigimin “La campagna d’Albania” udhëtuam në anën tjetër të Adriatikut, ku mblodhëm dëshmi për ndërhyrjen e organizatave mafioze në politikën dhe ekonominë shqiptare, të cilat kishin arritur të kontrollonin nivelet më të larta institucionale, por jo vetëm. Shqipëria në vitet e fundit është bërë gjithashtu terren i shfrytëzimit nga politikanë dhe ish-politikanë italianë në kërkim të bizneseve. Rishikoni investigimin.
View this post on Instagram
Discussion about this post