Ne një komunikim me ndjekësit në Facebook, kryeministri Edi Rama ka deklaruar se në të vërtetë turizmi në vend ka sjellë të ardhurat dhe ka siguruar shumë vende pune. Por, sipas tij problemi qëndron se shqiptarët këtej nuk kanë lekë të hanë bukë, nga ana tjetër shpenzojë shumë për të bërë pushime.
“Ka pasur shumë pyetje për turizmin dhe këtu kamë raportin për Shqipërinë nga Këshilli Botëror i Turizmit dhe Udhëtimet. Në shqipëri pesha e turizmit për vitin 2024 vlerësohet 26% e prodhimit të përgjithshëm vjetore. Punësimi që gjeneron sektori i turizmit është 21.8% dhe më tutje vazhdon raporti, në Shqipëri rritja vlerësohet 7.7% kundrejt vitit të mëparshëm dhe 47.5% kundrejt vitit 2019 para pandemisë. Punësimi në sektorin e turizmit është rritur me 14.1% krahasuar me vitin para pandemisë. Shpenzimet e turistëve të huaj në Shqpiëri në vitin 2024 vlerësohen 4.8 miliardë dollarë ose rreth 4.5 miliardë euro të ardhura nga ata që vijnë këtu. Rritja 54.7% pra një rritje e jashtëzakonshme krahasuar me vitin para pandemisë. Shpenzimet e turistëve vendas pra të shqiptarëve, të shqiptarëve që bëjnë pushime në Shqipëri këtu ku vdiset për bukë arrijnë 980 milion dollarë ose 950 milion euro i harxhojnë shqiptarët që sipas disave këtu nuk kanë bukë të hanë”, tha ai.
Ndërkohë vetë, pak ditë më parë ai deklaroi se të ardhurat për shqiptarët janë rritur dhe se rritja e pagës minimale ka sjellë përmirësim dhe mirëqenie.
Discussion about this post